I. P. R. G- Trainim me punojësit e bashkisë në kudër të projektit: “Integrim Gjinor në Politikat, Programet dhe projektet e Njësisë Vendore.

Për dy ditë me rradhë në një nga sallat e bashkisë së Rrëshenit, Instituti i Politikav të Aplikuara Gjinore IPRG, ka zhvilluar një trainim me punonjësit dhe përfaqësues të pushtetit vendor. Ky trainim është zhvilluar në kuadër të projektit “Integrim Gjinor në Politikat, Programet dhe projektet e Njësisë Vendore.

Në ditën e parë të këtij trainimi, dy përfaqësuaeset e këtij institucioni kanë bërë të ditur se ky trainim është i domosdoshëm në zbatim të disa detyrimeve që qeveria shqiptare ka firmosur në kuadër të MSA-së. Ato bënë të ditur se një përfaqësim më i mirë i këtyre politikave në Shqipëri, është i domosdoshmëm, pasi këto janë përvoja që vijnë nga partnerët tanë të cilëve u kanë rezultuar eficente. Pra duhet që ne të bëjmë të pa mundurën për një barazi gjinore në të gjithë aspektet.

     Në këtë takim ka përshëndetur edhe kryetari i kësaj bashkie z. Gjon Dedaj, i cili ka theksuar një trajnim i tillë, bën pjesë në përpjekjet tona për të qënë sa më të përgatitur për sfidat e mijëvjeçarit. Të gjithë kemi nevojë për sa më shumë njohuri, që të dy gjinitë të përfshihen sa më gjerë në zhvillimin e vëndit. Mendoj se Mirdita në një farë mënyre është  në pararojë të këtij fakti. Kështu që në këtë trajtësë ka elementë të cilët janë të njohura dhe të zbatuara prej kohësh. Duke përfunduar, kryetari Gjon Dedaj theksoi se bashkia Rrëshen, ka zbatuar programe konkrete në këtë drejtim madje do të jetë shumë e predispozuar për atë që do të kërkohet për më tej.

Më pas është kaluar në çështje konkrete të cilat janë diskutuar nga të gjithë pjesmarrësit të cilët përfaqësonin të gjitha departamentet e bashkisë.

 Disa nga këto tema në të cilën u diskutuan në këtë trainim e që kishin të bënin me Integrimin  Gjinor, ishin koncepte dhe terminologji; Shqipëria dhe zhvillimet e saj në barazinë gjinore; Kushtet e nevojshme për zbatimin e Integrimit Gjinor; Identifikimin e nevojave në Komunitet etj.

Në këtë projekt janë renditur një seri aktivitetesh të cilat kanë për qëllim të parashtrojnë objektiva specifike të qarta, brënda një harku kohor të caktuar si edhe një buxhet të përcaktuar. Një integrim i vërtetë i përkatësisë në projekte është i nevojshëm të përcaktohet në çdo fazë të projektit. I tërë cikli, që nga planifikimi në zbatim, monitorimi dhe vlerësimi, filtron informacione për veprime të mëtejshme. Të gjithë pjesmarrësit të ndarë në dy grupe, kanë debatuar në lidhje me temat e paraqituara për diskutim nga trajnueset e këtij projekti. Në këtë kuadër është diskutuar në lidhje me pjesmarrjen e gruas në të gjitha aspektet e zhvillimeve edhe në bashkinë e Rrëshenit. Madje janë bërë edhe vlerësime për përfshirjen e gruas në të gjitha punët të cilat deri më tani kanë qënë vetëm atribut i burrave.

A. N