Presidenti Topi: “Kur vij në Mirditë ndihem si në shtëpinë time.

-Vlerësohet nga këshilli bashkiak “qytetar nderi i bashkisë Rrëshen”-

RRËSHEN. I ftuar nga kryebashkiaku i Rrëshenit Gjon Dedaj, sot ka bërë një vizitë njëditore në Rrëshen Presidenti i vendit zoti Bamir Topi në një axhendë të ngjeshur që nisi rreth orës 10-të, i shoqëruar nga gruaja e tij, zonja e parë e vendit.

Fillimisht presidentit Topi në pritjen e rezervuar në shesh nga mijëra qytetarë, iu dhuruan dy buqeta lulesh nga dy fëmijë me veshje tradicionale mirditore, ndërsa më pas ai zhvilloj një takim me kryebashkiakun Dedaj në zyrën e tij në bashki, ku në mes tjerash ai tha se ndjehem i impresionuar nga kjo pritje, gjë të cilën e kam menduar gjithnjë se ndodhem në mes një populli të urtë e punëtor, e mes miqsh të shumtë që lidhen në të gjithë karrierën time jo vetëm si politikan.

Ardhjen e presidentit e ka përshëndetur kryebashkiaku i Rrëshenit, i cili ka thënë se ardhja e presidentit ka qenë e mirëpritur nga komuniteti vendas dhe nëse në vizitën e programuar më parë në 5 vjetorin e Kishës Katedrale nuk u realizua për arsye objektive tani pas tre muajsh, Presidenti e mban fjalën dhe realizon dëshirën e të gjithë ne mirditorëve.

Më pas presidenti i vendit ka patur një takim të zgjeruar me drejtues të njësive të pushtetit vendor, drejtues institucionesh e organizatash të ndryshme që operojnë në Mirditë në sallën e mbledhjeve të bashkisë. Përshëndetja e rastit ka ardhur nga kryebashkiaku Gjon Dedaj, ndërsa deputeti i zonës Gjovalin Prenga, pos rastit ceremonial ka ngritur dy probleme nga ku i kërkohej ndihma dhe vetë presidentit Topi, që ka të bëjë me faktin e shkrirjes së institucioneve të gjyqësorit dhe kalimit të tyre në qarkun e Lezhës në mënyrë të panevojshme e të paspjegueshme duke u hequr një shërbimn të nevojshëm qyetarëve të këtij rajoni, si dhe momentin e angazhimit për muzeun e persekucionit komunist,burgun-minierë të Spaçit, përt të cilët dhe presidenti është treguar shumë sensibël duke thënë se janë procese që duhen parë dhe vëzhguar në bazë të fjalës së specialistëvce.

Më pas presidenti Topi është ndaluar në një moment duke shprehur dimensionin human, që kishte të bënte me ngjarjen e Farkës, ku humbën shumë jetë njerëzore,duke shprehur solidaritet në ngushëllimin me familjen, ndërsa tha se është frekuente që ne ndeshim në ngjarje të trishta, por që duhet t’i kalojmë duke iu ruajtur ndodhive të tilla përmes kujdesit njerëzor që duhet treguar.

Nga ana e këshilit vendor bashkiak presidentit Topi i është dorëzuar titulli “qytetar nderi”, akorduar nga këshilli bashkiak i Rrëshenit. Presidenti Topi, duke e vlerësuar këtë nderim, u shpreh se e kam ndjerë prej kohësh veten qytetar i këtij vendi kaq mikpritës e bujar, ndërsa tashmë obligimi është ende më i madh për një lidhje të fortë shpritërore me këtë rajon ku është ruajtur më së miri tradita dhe virtyti shqiptar.

Më pas presidenti ka bërë disa vizita në kishën katedrale të Rrëshenit, ku është pritur nga ipeshkëvi i dioqezës monsinjor Kristiforo Palmieri dhe më pas në qendrën profesionale Shën Jozefi Punëtor, duke kaluar nëpër disa kabinete e salla mësimi. Ai e ka cilësuar këtë shkollë si ndër më të mirat në vend, e modelit të vërtetë perendimor si nga insfrastruktura dhe edukacioni që realizon. Është kjo shkollë që krijon mundësi të mirditorëve për t’u bërë shumë fleksibël me tregun e punës si jashtë dhe brenda vendit.

Në takimin e rezervuar në pallatin e kulturës me pjesëmarrjen e qindra banorëve presidenti, ka falenderuar për këtë pritje të mrekullueshme që i ishte rezevuar, duke duke u shprehur se sa herë vij në Mirditë ndihem si në shtëpinë time.

Presidenti Topi në fjalën e mbajtur në këtë sallë nuk ka harruar të përmendë dhe disa çaste të jetës politike, që kanë të bëjnë me gjetjen e gjuhës së përbashkët për hartimin e një reforme zgjedhore që të japë produkt pozitiv për Shqipërinë, ashtu si dhe reformat që duhen ndërmarrë për lehtësimin e halleve të njerëzve dhe prezencën e shtetit për njerëzir në nevojë, ai tha se jam në kontakt të thjeshtë e human me njerëzit e kësaj shtrese ndaj kërkohet nga gjithë institucionet si qeveritare dhe ato vendore t’i kushtohen më shumë asaj.

Por presidenti nuk ka lënë pa siluruar dhe pushtetin gjyqësor, duke lënë të kuptojë se reforma e nisur ka për qëllim largimin e këtij pushteti nga korrupsioni, si vendi ku drejtësia në jo pak raste blihet dhe nuk jepet, ndaj ka shprehur angazhimin e tij maksimal për ndryshimin dhe shëndoshjen e gjendjes në këtë sektor.

Presidenti ka shprehur kënaqësinë e tij që në Mirditë po sheh një ndryshim të madh dhe si pasojë e ndikimit që ka filluar të ketë arteria rrugore që e përshkon atë përmes, rruga e bashkimit kombëtar, ndaj stimuloj pushtetin vendor për të qenë të përgatitur me projekte që i paraprijnë këtij zhvillimi të jashtëzakonshëm e që do të sjellë mirëqenie për banorët e kësaj zone.

Më pas për nder të ardhjes së presidentit në Miditë, është shtruar një drekë mikpritjeje.

Fjala e Topit për ngushëllimin e familjeve të viktimave

“Sinqerisht nuk mund të gjej fjalë ta përshkruaj dhimbjen dhe trishtimin që më ka pllakosur në momentin që mora vesh lajmin për tragjedinë që përfshiu tre familje.

Një tragjedi e këtyre përmasave sigurisht të mhush me shumë trishtim dhe njeriu e ka vë vështirë të zgjedhe fjalët e duhura. U konsumua një tragjedi për fat të keq në konturet e një absurdi. Një pakujdesi të cilën ne po e ndeshim në mënyrë shumë të shëmtuar. Janë shumë jetë njerëzish, jetë njerëzish që fshihen brenda disa castesh.

Ndjej një hidhërim shumë të thellë parasëgjithash për familjarët e mbijetuar, por unë gjithashtu dëshëroj të ndaj dhimbjen time me atë të familjarëve. Dëshëroj t’iu shpreh edhe një herë familjarëve ngushëllimet më të sinqerta. Zoti ju dhënte vullnet dhe kurajo për të përballuar këtë dhimbje kaq të madhe.

Më tej presidenti Topi si kreu i shtetit, ka thënë se “sëbashku me dhimbjen dhe  hidhërimin e thellë që ndjej, siguroj se instituciuonet e shtetit shqiptar do të jenë pranë famikljarëve të cilët në këto momente kanë nevojë më shumë se asnjëherë për kurajo,  ndihmë dhe mbështetetje”.

Fjala e plote e kryetarit te Bashkise z. Gjon Dedaj:

I nderuar President i Republikes  !

Te Nderuar miq dhe te ftuar !

I nderuar Ipeshkvi ynë Cristoforo Palmieri!

Te nderuar Pjesmarres  !

  Lutem pranoni pershendetjen time dhe me lejoni te shpreh edhe nje here publikisht  urimin  e perzemert Mirseerdhe Presidenti i Republikes  Prof. Dr. Bamir  TOPI.

Bashkia RRESHEN eshte pjese  e natyrshme humane e gjeografike  e Mirdites , treves ku    kuptohet e mirekuptohet mundesia  per te diskutuar me mikun e afert ,  te ndergjegjshem  se kemi qene e jemi te lidhur me njeri tjetrin ndaj ketej lind nevoja per te folur e per te qene sebashku.

 Por si me rrallekend  ne na bashkon aftesia per te asimiluar  dhimbje , force dhe informacione  pasi kemi kapercyer periudhat politike qe jua fshihnin njerezeve  natyren e nderlikuar te problemeve  ndaj  besojme sebashku qe  progresi e demokracia mund te na ndihmoje drejt nje bote te globalizuar ndonese e  perbere nga dallime te  qendrueshme.

 Personalisht kam bindje se i nderuari President i Republikes  ne udhepershkrimin e tije politik ka mundur te shfaq e te beje te tijen   durimin e ushqyer nga interesi kombetar  dhe shpresa duke e njohur  historine politike si  mjet qe parajmeron rreziqet .

 Kjo dite na shton besimin   se  mund te jetojme sebashku me guximin e nje mencurie te duruar me nje perballje jo te paragjykuar dhe si mirditor e qytetare te  nivelit evropian ku dhe antagonozmat fshehin lidhje te thella dhe ne duhet  te  njohim  kostot dhe perfitimet.

   Vetem sebashku mund te perfitojme nje kulture qe te na ndihmoje hapjen ndaj horizonteve me te gjera per te bashkjetuar ne menyre te pergjegjshme  pasi si asnjehere me pare ne historine e  zhvillimit tone  duket  se pertej dallimeve kemi shume interesa te perbashketa te cilat me se shumti  po i paraqet perparimi i autostrades Durres - Morine  nga ku Mirdita  del si Udhekryq mes shqiptarve  dhe kulturave,  dhe shkurtimi i largesive permes rruges Rreshen- Burrel   do ta faktorizoje  ate mes tre kryeqyteteve  TIRANE – PRISHTINE  SHKUP.

Per kete  na nevojitet te mbeshtetemi per  krijim potencialesh e  idesh te reja pasi  jemi ne pragun e kalimit te popullsise drejt qytetit cka kerkon aftesine per te pare pertej ambientit familjare e komunitetit gjeografik,   kulture e cila fitohet duke krijuar lidhje te tilla si kjo e sotmja.

Mirditoret gjithnje kane synuar te kene ne dore fatin e tyre  dhe tashme na duhet te shmangim menjanimin  vetem me ane te  demokracise pavarsisht se  shek i XX aplikoj  dhunen vrasese dhe  i mori jeten mjaft njerezve tane...ne fakt ai  ishte shekulli i genociteve dhe shtetit te krimit dhe  Spaci  yne  mbetet pika me e ulet ose humnera e sketerrshme e asaj  historie  tamam nje monument i dhimbjes dhe cmenduris dramatike por qe tashme respekti per jeten eshte caku qe asnje politike kombetare a lokale nuk duhet ta kaperceje.

 I nderuar President i Republikes.

 Ardhja juaj ne RRESHEN perforcon me tej bindjen e mirditoreve se ju jeni mbartes i nje vizioni perparimtare per jeten  dhe i gatshem qe dhe ne nje boshllek motivesh Ju ti kontribuoni motivit te rinjohjes permes  kontaktesh me njerez  me tipare pozitive e ngjashme kjo me zbatimi ne  jeten sociale - politike te eugjenetikes.

Guxoj te shpreh se Mirdita - vendi ku Ju jeni sot - eshte nje komunitet me shpirtin e nje Kishe  te vetme me  historie  burimesh , aftesish , trashigimesh shekullore e pergatitur   per t’ju pergjigjur realitetit te njeriut te shkolluar dhe te individualizuar duke qene e  vetmja treve kompakte e cila  ka kapercyer tashme krizen e modelit mashkullore dhe ka dhene e jep origjinalitet ne kete bashkim fatesh.

Ja pse ne kemi  nevoje te rivlersohemi e te vlersojme sebashku  rrenjet dhe vlerat tona perballe botes se qyteteruar ,  te bindur se problemi nuk  eshte demokracia dhe liria e tepert por sasi e paket e tyre ndersa rruga eshte plot sfida te panjohura.

Bashkerisht ne jemi te nje mendje se qyterimi i dashurise apo  qyterimi bashkjeteses mbetet   mundesia e vetme per te afruar komunitete me njeri- tjetrin  ne menyre paqesore    nepermjet njohjes ,  afrimit  te dallimeve, shpalljes se lidhjeve , afersive  ne  nje rrjete perzirjesh qe lidh shoqerite  e sotme.

Kjo dite i sherben ndergjegjsimit per domozdoshmerine e paqes  dhe perpjekja per  me shume marreveshje  do te rrit aftësitë administruese të pushtetit vendor do te  mundesoje marrje dhe shkëmbim përvoje përsa u përket administrimit të pasurive dhe burimeve vendore ne     respektim    të drejtave të qytetarëve dhe informimi i tyre duke  i përfshire në vendimmarrje  permes thellimit te procesit te decentralizimit.

Te nderuar pjesmarres !

Bashkia Rreshen ka nderin  dhe une personalisht kam privilegjin e kesaj vizite te njoftoj publikisht se Keshilli Bashkiak  ka vendosur t’i akordoje  Prof. Dr. Bamir TOPI  titullin “Qytetare Nderi “ i bashkise RRESHEN .

Ju falemiderit !

Pergatiti Gj. Marku & A. Ndoja