“Udha e shkronjave” shtegtim nëpër Mirditë.

 Edhe pse ende nuk ka një infrastrukturë të mire rrugore nëpër Mirditë, dhe për më tepër përfundimi i rrugës së re autostradale, interesi për të vizituar Mirditën, po vjen në rritje. Janë të huaj të shumtë, gazetarë a studiues që kanë dëshirë të përshkojnë itinerare turistike nëpër këtë krahinë, por dhe ata vendas.

Që në orët e para të mëngjesit të para dy ditëve, 40 nxënës të shkollës “Udha e shkronjave” nga Tirana me mësuesit e tyre kanë nisur një shtegtim të tillë nëpër pikat turistike të Mirditës. Pikëtakimi i parë me historinë e Mirditës ishte kuvendi franceskan i Rubikut ku nxënësit janë njohur me tempullin e shenjtë si monument kulture i cili daton mbi 900 vite dhe që ruan vlera të vyera në absidën e vet, po ashtu tek kalaja e Judejve apo qelën e mjedise të tjera. Pikturat e hershme murale me afresket kanë ngjallur interes për nxënësit dhe mësuesit, cka e daton kishë shumë të hershme, mbase më parë se sa është e datuar në dokumentet e dritashme, dhe përe këtë po kryhen dhe gërmime të mëtejshme. Me interes është pritur përshkrimi historik i studiuesit Gjon Marku qoftë tek kompleksi kishtar apo në shtegtimin e mëtejshëm nëpër vendin e principatës së Arbërit e deri tek vendkuvendet e hershme të Shpalit.

Nxënësit tiranas kanë vëzhguar me kërshëri edhe natyrën e maleve të Mirditës ashtu si dhe monumentet e shumta historike, kulturore dhe natyrore, por dhe gjurmën nëpër të cilën kalon autostrada e re, që për ta do të thotë me mbarimin e saj, ardhje më e shpeshtë në Mirditë. Është përceptuar si dallëndyshet e turizmit në krahinën tonë për këta nxënës, por që e ardhmja rezervon një situatë shumë më pozitive në këtë drejtim.

Më pas nxënësit janë ndalur tek katedralja e Rrëshenit ku janë mahnitur me arkitekturtën e kësaj vepre të madhe kishtare në Rrëshen, e më pas për t’u pritur në bashkinë e Rrëshenit nga kryebashkiaku Gjon Dedaj, i cili ka përgëzuar nxënësit dhe mësuesit e kësaj shkolle për këtë ardhje. Pas një paraqitje të shkurtër të profilit të kësaj bashkie, vetë nxënësit dhe mësuesit kanë bërë pyetje se si i sheh bashkia punët e arsimit, dhe kjo u ka shërbyer dhe komunikimi për arsye të profesionit të kryebashiakut Dedaj.

Drejtori i kësaj shkolle Artur Shkurti, me të cilin ka vënë ura bashkëpunimi dhe shkolla e mesme Rrëshen, ka dhënë një ftesë për pjesëmarrje të nxënësve mirditorë në olimpiadën e VIII kombëtare të Matematikës dhe të formimit të përgjithshëm 2008 që do të zhvillohet pranë kësaj shkolle nga data 1-8 qershor të këtij viti.

 Gj. Marku