Ura e re nxjerr nga izolimi 67 familje të fshatit Tarazh i Epër, ndërkohë që një rrugë e re lidh fshatin Sheshaj me qëndrën ku ndodhet Kisha.

  Në dy ditë banorët e komunitetit të Bashkisë Rrëshen, për fitojnë dy ivestime të rëndësishme të cilat ndikojnë drejtpërsëdrejti në përmirësimin e jetesës së tyre. Bëhet fjalë për ndërtimin e një ure që lidh fshatin Tarazh i Epër me qytetin e Rrëshenit, si dhe ndërtimi i një rruge që lidh njërin prej kryqëzimeve hyrëse në fshatin Shesha me qëndrën e fshatit ku ndodhet Kisha.

  Pikërisht një ditë më parë i është dhënë dora e fundit ndërtimit të urës së fshatit Tarzah i Epër. Sipas banorëve të fshatit, firma ndërtuese “Kthella-shpk” me president z. Pjeter Nikolli ka punuar me mjaft cilësi gjatë ndërtimit të saj. Kjo urë është ndërtuar me një fond prej 800 mijë lekësh të akorduar nga buxheti i Bashkisë Rrëshen.

  Pikërisht dje dhjetra banorë të fshatit Tarazh janë mbledhur tek ura për të falenderuar kryetarin e Bashkisë z. Gjon Dedaj, për premtimin e mbajtur pasi sipas tyre kjo urë bën që ky fshat të dalë nga izolimi shumë vjeçar. Pjetër M. Zefi, kryetar i fshatit thotë se për vite me rradhë, banorët e kësaj lagjeje kanë qënë të detyruar që të marrin bregun e lagësht të përroit pët të mbërritur në Rrëshen. Sidomos gjatë ditëve të dimrit kur uji bënte që përroi të ishte i pa kalueshëm situata bëhej edhe më e rëndë. Kryetari i fshatit por edhe banorë të tjerë të shumtë thonë se lëvizja e tyre në drejtim të Rrëshenit ka qënë mjaft e vështirë. Ka ndodhur shpesh që fëmijët ktheheshin të lagur nga kalimi në përrua, madje jo pak prej tyre kanë qënë të ftohur për shumë vite. Ndue Tarazhi thotë se kam zgjedhur të ndryshoj venbanim vetëm se rruga ka qënë e pa kalueshme, sidomos dimrit. Kjo bënte që fëmijët të mos shkonin në shkollë rregullisht, pra të mos përfitonin dijet e duhura. Ka ndodhur në shumë fushata që ne 67 familjeve të kësaj lagjeje na është premtuar ndërtimi i kësaj ure. Por premtimi i fundit ai Gjon Dedës dy vite më parë doli se ka qënë i vërtetë.  Ndaj  për këtë ne e falenderoja kryetarin e bashkisë z. Gjon Dedaj për premtimin e mbajtur. Edhe z. Gjon Dedaj i ka uruar banorët për ndërtimin e urës, ndërkohë që ka deklaruar se Bashkia gjithnjë do të jërë në shërbim rë komunitetit të zonës.

  Ndërkohë që edhe në fshatin Sheshaj ka përfundur ndërtimi i një rruge. Kjo rrugë bën të mundur lidhjen e banorëve me Kishën e fshatit. Por ndërkohë lidh me xhadenë kryesore edhe disa banesa të fisit Ruçi. Llesh Ruçi, banor i këtij fshati thotë se është hera e parë pas viteve 90-të që automjeti mund të shkojë në banesat tona. Tani ku është bërë një rrugë shumë cilësore deri pak muaj më parë ka qënë një baltë e pa kalueshme, dhe e ashtuquajtura rrugë ka qënë e bllokuar me gardhe. Ruçi thotë se ne si fis vendosëm të hapim rrugën për të bërë më të lehtë kalimin e mjeteve. Për pak kohë vëndi ishte mjaft i rrezikuar nga rrëshqitja por ndërhyrjet e firmës “Kthella” ishin shumë të sakta dhe në momentin e duhur. Tashmë muret anësore të rrugës janë veshur në beton duke krijuar një mbrojtje të sigurtë për banesat anash rrugës.

a.      a. ndoja