Vizione për zhvillim të Bashkisë Rrëshen.
                                                              Nga Dodë PEPKOLAJ
 
Mirdita  e vendosur si portë natyrore hyrëse ne Shqipërinë e Epërme,  ku natyrshëm konvergojnë rrugët e rretheve veriore dhe veri-lindore, në luginën e Matit dhe të Fanit.Ajo paraqet zgjidhjet me të mira për kalimin e rrugëve në veri si dhe në verilindje të Shqipërisë,  si dhe  më tutje,  atij të Ballkanit. Këtu do të nis rruga autostradale,  që  lidh  Kosovën me daljen në bregdetin Adriatik, segmenti më i rëndësishëm i së cilës kalon nëpër Mirditë me një gjatësi prej 80 km, pikërisht nga ura e Matit deri në kufi me Kukësin, e cila do t’i  japë një zhvillim të madh kësaj zone. E këtij niveli  rëndësie, do të ishte një lidhje autostradale e mundëshme, që natyrshëm kalon nëpër Rrëshen,  kodrat e Perlatit, futet në luginën e Matit, ngjitet ne Bulqizë –Dibër të Madhe – Shkup, një nga zgjidhjet më oportune te kësaj arterie ,dhe pa patur nevojë të mendosh kalimin e saj nëpër malet e Martaneshit dhe Shëngjergjit pa asnjë fizibilitet pozitiv. Të të njëjtës rëndësie është edhe rruga turistike Rrëshen – Lurë,për gjallërimin e ekonomisë vendore, si dhe zhvillimit të turizmit malor, kulturor, të sporteve dimërore, te zonës turistike Kurbnesh – Lurë, zonë, e cila është larg nga Tirana jo më shumë se 90 km në kushtet e infrastrukturës bashkohore. Të  tria këto akse rrugore rrisin aksesin e një zhvillimi  të gjithanshëm të ekonomisë së Mirditës, pasi kalojnë, njera në veri, e dyta ne qendër, dhe tjetra në jug të këtij rrethi, si dhe të Bashkisë Rrëshen, ku Rrësheni bëhet një qendër me një zhvillim të përshpejtuar ekonomik. Me shume interes do te ishte lidhja e Rreshenit me Ulzën nëpërmjet Ujë-Lurthit dhe te fshatrave te komunës të Bazit.
Financimi i një vreshtarie moderne për prodhimin e rrushit  si  dhe  të nënprodukteve të tij dhe kryesisht për prodhimin e verërave superiore të cilësisë së lartë, ku Mirdita ndodhet në një zonë tipike vreshtarie, me kushte klimatike-toksore shumë të përshtatshme, me mundësi  për ujitje gjithvjetore dhe me rrjedhje te lirë, me mundësi lehtësuese për infrastrukturën rrugore, me një traditë të kahershme në kultivimin dhe në prodhimin e verërave. Vreshtaria paraqet veprimtarinë prodhuese më  kompetitive, me një treg të sigurt dhe mjaft atraktiv për vendin, rajonin si dhe më gjërë, athere, kur përpunimi të bëhet  me teknologji perendimore. Bashkia Rrëshen ofron një mundësi të zhvillojë një vreshtari me një siperfaqe mbi 1900 ha. tokë, ndërsa si rreth arrihet nje sipërfaqe deri 6000 ha. Zona malore mbi lartësinë e kutivimit të hardhisë, perdoret efektshëm për kultivimin e pemtarisë intensive ( sidomos  të molltoreve mbi nënshartesa xhuxhe ), si dhe të zhvillimit të një bujqësie biologjike.
Të nivelit “bio”, sigurohet edhe  prodhimi i produkteve blegtorale pasi rrethi i Mirditës dhe Bashkia Rrëshen, ( meqë, kjo bashki ,  përbën rreth 1/3 esipërfaqes së tokës dhe ½ e popullsisë të rrethit ), kanë  një sipërfaqe të  madhe të kullotave alpine, bazë e mirë për prodhime shumë cilësore blektorale. Tendenca për zhvillimin e blektorisë së imët dhe sidomos të të dhirtave, pasi prodhimi i mishit, qumështit dhe sidomos te djathrave përbëjnë një tendencë të re, të të ushqyerit  të   popullsisë dhe kërkesave të tregut preferencial, prodhimet e te cilave janë të kërkuara edhe nga tregu kosovar. Interesante është edhe  një tendenca tjeter e  re e shtimit galopant të bletarisë, ku numri i koshereve të bletëve është dyfishuar brenda këtyre dy viteve të fundit. Nuk vihet re, vetëm shtimi numerik i bletëve, por më e rëndësishmja është niveli profesional i lartë të mbarështimit të bletarisë. Jo rrallë sot merret mbi 40 kg/zgjua mjaltë.

Prirjen në  rritje vihen re edhe në ngritjen   komplekseve të rritjes dhe mbarështimit të shpendtarisë, si dhe të rritjes së derrit. Këto janë dy aktivitete ekonomike me një konsum të madh dhe tradicional të popullsisë së rrethit të Mirditës. Për Bashkinë  Rrëshen me  leverdi të larte ekonomike,eshte rritja dhe mbarështimi  i  pyjeve  dhe  nënprodukteve të tij. Sipërfaqja e pyjeve në bashki si dhe në rrethin tonë, është  mbi 10 herë më e madhe se fondi  i  tokës bujqësore. Vitet e fundit vihet re nje zhvillim shumë i mbarë i pylltarisë si  dhe mbrojtja e tyre. Me pyjet do të jenë të lidhura shumë probleme ekologjike, si dhe prodhimet pyjore, perpunimi i frutave te pyllit per prodhimin e lengjeve vitaminor qe perben elisirin e pijeve bashkohore, si dhe zhvillimin e  gjuetisë sportive etj.
Një nga fushat më interesante është edhe shfrytëzimi i kapaciteteve hidriko – energjitike të lumenjve të Fanit të madh dhe Fanit të vogël, Urakës, zallit të Dodajve, dhe përrenjëve të tjerë malorë, ku përllogaritjet përafërsuese shkojnë mbi   60 MË./H. Mbi lumin Fani i Madh dhe mbi lumin Fani i Vogël interesohen firma hidrikoenergjitike private  për  të  ndërtuar  basenin  ujëmbledhëse për hidrocentrale te nivelit 20 MË/H. Këto burime hidrike mund të shfrytëzohen nesër mjaft mirë për prodhime të faunës ujore ( iktinologjike ), si burime financiare me  nivel të lartë të leverdisë ekonomike. Këto basene të mëdha ujore do të rregullonin edhe luhatjet ekstreme të temperaturave dhe të lagështisë ajrore të Rrëshenit dhe zonës për rreth.  
Bashkia Rreshen, ka një potencial të konsiderushëm të specialistëve me arsim të lartë dhe të gjitha specialiteteve, relativisht të pazënë plotësisht me punë, si dhe ka dy shkolla të mesme profesionale, si dhe kurse profesionale për përgatitjen e punonjësve të kualifikuar në specialitetet si hidraulik, elektricist, rrobaqeps, mekanik, etj. si dhe forca të lira pune.
Këto dhe  të  tjera  përparësi, që nesër do të nxjerr rrjedha ekonomike e ekonomisë së tregut të lirë, janë të dukshme tani për tani perspektiva të zhvillimit të bashkisë Rrëshen dhe njëherazi të rrethit të Mirditës.
 
DODE PEPKOLA
n/kryetar i bashkise Rreshen