Vjeshtë Impresion, Ekspozitë e piktorit Pjetër Marku.

 Me këtë titullim me datën 2 nëntor në galerinë e arteve  figurative Lezhë u hap ekspozita personale e piktorit Pjetër Marku.

Vjeshtë 2009, kjo është sigla që  do të shoqëroje edhe për disa ditë ekspozitën vetiake  të piktorit Pjetër Marku. Ishte kjo një ditë e vaçantë jo vetëm për autorin e ekspozitës por për të gjithë ata që morën pjesë dhe panë piktura të mrekullueshme plot  kolorit të punuara më mjeshtri. Në  çeljen e ekspozitës morën pjesë  personalitete të fushave të ndryshme, shkrimtarë dhe artistë, dashamirës të artit dhe kulturës,  drejtues nga institucionet vendore. Ne ekspozitë janë paraqitur 48 piktura në gjini të ndryshme si kompozime, portrete, pejzazhe. Bie në sy trajtimi impresionist  i stinës, sidomos i vjeshtës, larmia e relifeve plot dritë  nga Mirdita,  Mati, Kukësi, si dhe   disa shtete të SHBA-së. Veçanërisht   të le shije të veçantë trajtimi pastoz, me ngjyra të ngjeshura i tabllove, plot dritë dhe kontraste .

Pjesmarrësit shprehën  kënaqësi për vlerat që sjell ky autor ne ekspoziten e 13 personale të tij. Duke përshëndetur prefekti i qarkut Lezhë zoti Pal Dajçi  u shpreh se ndjehej mjaft i emocionuar që merr pjesë  dhe e fillon punët e tij si prefekt pikerisht në një eveniment artistik si kjo ekspozitë mjaft tërheqëse.

Ndërsa drejtori i qëndrës kulturore Lezhë, aktori i njohur Ismet Zusi u shpreh se kjo ekspozitë është më e mira që është hapur në këtë galeri këto vitet e fundit dhe se  ajo i bën nder kësaj galerie dhe qytetit të Lezhës. Piktori lezhjan Pashk Përvathi u ndje i emocionuar, dhe  u shpreh se autori është një zë i veçante profesionist dhe i kultivuar, plot ndjenjë dhe art, shoh piktura shumë të bukura. Skulptori Imer Metalia  që është edhe përgjegjës i galerisë, insistoi që shteti duhet të sponsorizoje që këto vepra të ekspozohen edhe jashtë vendit, diku në përendim për vlerat që ato përcjellin.

 Prania e disa krijuesve  mirditorë dhe lezhjane paraqiti mjaft inters: Poeti Ndoc Gjetja i cili kishte në ekspozitë edhe një portrtet të punuar nga piktori  u shpreu  se kjo pikturë e bërë me aq ndjenjë, më emocionon shumë dhe se pasi ta shoh disa herë ekspozitën do të lë në libër edhe përshtypjet e mija. Befasues  për atë  ishte edhe dhurimi nga poeti mirditor Preng Cub Lleshi  të dy vëllimeve poetike të tij. Është një surprizë  për mua u shpreh Gjetja. Gjithë  kjo ditë u kthye në një  festë  të vërtetë. Ekspozita vazhdon të vizitohet me interes.

Ameda Pjetri, Shkolla e mesme Rrëshen