Zef  Margjinaj, nderi i Qarkut Lezhë

Luftëtari i lirisë dhe humanisti i shquar Zef  Shyt Margjini, është nderuar me titullin “Nderi i Qarkut Lezhë” në një ceremoni impresionuese në sallën e pallatit të kulturës Rrëshen. Të pranishëm të afërm të tij, pjesëtarë të familjes në Itali dhe në Shqipëri,si dhe banorë të shumtë të Rrëshenit dhe fshatrave, përfaqësues të pushtetit vendor të Lacit, Lezhës, Matit, deputetë të zonës etj.

Përfaqësuesi dhe moderator i këtij takimi nga Këshilli i Qarkut Viktor Gjikolaj, bëri një përmbledhje të jetes së Zef Margjinajt, i cili lindi në fshatin Bozhiq të Selitës së Mirditës në vitin 1921, u shkollua në Itali dhe për një kohë të gjatë shërbej pranë Lougotenencës së Përgjithshme në Tiranë. Antikomunist i lindur, pas 1944 u bashkua me rradhët e nacionalistëve në rezistencë ndaj vendosjes së regjimit komunist, dhe më vonë kalon kufirin për në Jugoslavi, Greqi dhe Angli e më pas në Itali dhe ku themelon organizatën për mbrojtjen e të drejtave të njeriut në Shqipëri për të dhënë ndihmë ndaj gjithë shqiptarëve të arratisur nga Shqipëria. Sekretar në organiztaën “Heroizmi Shqiptar”, formuar në Detroit, bashkëpunëtor  i  “Amnesty International” dhe sekretar i përgjithshëm i “Albanians for Human Rights”. Dekoruar nga presidenti i Republikës Italjane me titullin Kavalier i Urdhërit “All merito della Republica Italiane” në vitin 1981. Ndërkohë që ish-presidenti Sali Berisha,si president i parë i një vendi të lirë, e dekoroi me urdhërin “Nënë Tereza” me motivacionin “Për merita të shquara në luftën kundër regjimit komunist në përkrahjen e lëvizjes demokratike në Shqipëri si dhe kontributin e madh që ka dhënë në grumbullimin e dërgimin e ndihmave humanitare për popullin shqiptar”.

Jeta e Zef Margjinaj mbaroi në mënyrë të papritur më 10 shkurt 1992 në një aksident tragjik automobilistik në Gradisca.

Jeta e Zef Margjinaj përmes imazheve filmike në Itali dhe ardhja pas afro 50 vitesh në Shqipërinë e lirë, u përcoll me koment profilues nga gazetari Gjergj Marku.

Titulli nderi i Qarkut, iu dha të vëllajt Mark Margjini dhe vajzës së Zef Margjinit Mara, që jeton me familjen në Udine, nga kryetari i këshillit të qarkut Lezhë, zoti Bardh Rica.

Mark Margjini, u shpreh me nota të larta vlerësuese për këtë titull dhe nderimin që i është bërë atij nga e gjithë Mirdita, Mati dhe shqiptarët në përgjithësi.

Me shumë emocion u shpreh vajza e Zef Margjinjit, Mara, që kishte ardh enkas nga Udine sëbashku me fëmijët, duke vlerësuar nderimin për të atin, dhe faktin se ndihet krenare për të, i cili nëse do ishte gjallë këto kohë, do thoshte se amaneti i viteve, më është përmbushur në tokën amë.

Përshëndetje solli dhe deputeti i qarkut Z.Mark Marku, duke theksuar se ështe nder i vecantë që përkujtojmë figura të tilla,dhe aq më tepër që geni i Zef Margjinit është po kaq gjeneroz sa ai në vitet e vështira të lëngatës komuniste.

Përshendetje sollën dhe kryebashkiakët e kësaj zone, Luigj Isufi dhe Skender Lleshi i Burrelit.

Kryebashkiaku i Rreshenit Gjon Dedaj, theksoi se Zef Margjini percolli dashuri tek shqiptare te arratisur per nje jete te lire, por dhe kur preku token ku kishte lindur pas afro dekadash, duke na lene nje mesazh te forte miresie,qe vlen sot e ne te ardhmen.

Nën vargjet e bukura të Gjok Becit dhe Fran Laskës dhe kompozimin e Mark Gjokës dhe grupit të këngëtarëve, të pranishmit përcollen nen emocione të forta këngën “Lum Mirdita që t’pat djalë”.

Një kokteil dhe foto-kujtim në mes të afërmeve, organizatorëve të aktivitetit dhe qytetarëve të shumtë, ishte përmbyllje e gjithë këtij aktiviteti homazh dhe nderues për një nga ikonat e vuajtjes njerezore ne Mirditë dhe aktivistit të pa epur te humanizmit dhe solidaritetit në një nga periudhat kapërcyese më të vështira të sistemeve në Shqipëri.

Aleksander Ndoja

27. 04. 2011