Bashkia e mbështetur nga një kompani ushtarësh në aksion për shuarjen e zjarreve të shumta.

Policia shoqëron të dyshuar për zjarrvënie të qëllimshme.

 Thatësira e madhe e dy muajve të fundit e finalizuar me erëra të forta të këtyre ditëve ka krijuar kushte të favorshme për zjarre të shumta që janë shfaqur në disa vënde përgjatë vargmalve që fillojnë nga Fangu i Rubikut për tu ndërprerë në majën e Kulmes. Situata mjaft alarmante është vlerësuar në maksimumin e mundshëm nga Bashkia e Rrëshenit e cila me tu rënduar situata është gritur një grup pune nën drejtimin e N/Kryetarit të Bashkisë z. Nok Mrruku. Kështë është vlerësuar me seriozitetin më të madh çdo informacion për vatra zjarri, ndërkohë që është kaluar në operacione të drejtëprdrejta për fikjen e zjarrit.

Aksioni më i rëndësishëm i administratës dhe punonjësve të Bashkisë Rrëshen ka qënë pikërisht ditën e mërkurrë kur një grup pune i përbërë nga Llesh Ruçi, Alfred Shtinja, Marte Kola, Tom Molla, Zef Doda, Tonin Legisi, Tonin Reçi, Gjin Kola, Gjovalin Kola janë nisur në përpjekje për shuarjen e flakëve që kishin marrë në të gjithë sipërfaqen e Kulmes. Punonjësit e bashkisë janë mbështetur nga kryetari i fshatit Kulme z. Mark Ruçi dhe banorë të tjerë të këtij fshati si Gjergj Kaçorri, Agim Ruçi etj. Oeracioni është mbështetur edhe nga tekniku i pyjeve të zonës z. Ndue Lekgega. Për disa orë të gjithë punonjësit të paisur me lopata kanë bërë përpjekje të shumta për izolimin e zjarrit. Pas më shumë se tre orë punë intensive është bërë e mundur që zjarri të izolohet në një sipërfaqe të vogël, dhe më pas është shuar. Z. Alfred Shtinja tha se u pa një përkushtim mjaft i madh i punonjësve të administratës duke veçuar punonjësin e policisë bashkiake Zef Dodaj, inspektoren e mjedisit Marte Kola, punonjësit Gjin Kola e Tom Molla. Ndërkohë që drejtuesi i këtij operacioni, n/kryetari i bashkisë z. Nok Mrruku i ka falenderuar punonjësit e bashkisë për përkushtimin e tyre në fikjen e zjarrit në Kulme zjarr i cili ka qënë në përmasa të konsiderueshme.

Ndërkohë që edhe gjatë ditëve të kaluara janë bërë përpjekje maksimale për fikjen e zjarreve në Sheshaj, Kodër Rrëshen etj.

Akoma mbetet problematike situata në zona të tjera të Kulmes, Lurth dhe në segmentin Malaj – Përlat. Situata problematike në pyje ka diktuar mbështetjen nga ana e ushtrisë. Kështu prej disa ditësh në Rrëshen është akomoduar një kompani me 46 ushtarë efektivë të cilët janë ndarë në dy grupe me nga 23 të tillë. Njëri grup ushtarës operon në segmentin Lurth – Kulme dhe tjetri grup punon për fikjen e zxjarreve në pjesën Malaj – Përlat. Efektivat ushtarake janë vendosur në konviktin e shkollës së mesme Rrëshen dhe i gjithë trajtimi bëhet nga Bashkia Rrëshen. Bashkia ka marrë të gjitha masat që gjatë ditës kur ushtarët janë në terren, ushqimi dhe uji u dërgohet në vëndin e punës.

Ndërkohë që zjarret e shumta kanëlënë për të dyshuar se ato vihen me dashje nga individë të pa përgjegjshëm. Për këtë policia vendore ka shoqëruar dhe persona me dyshimin se kanë gisht në vënien e qëllimshme të zjarrit. Dyshimi shtohet akoma më tepër pasi gjithnjë po shihen vatra të reja të vëna sapo një zonë vihet nën kontroll përgjatë gjithë kurrizit malor Kulme-Derven e më tej për në Lurth e malet e Rubikut, por dhe në disa zona të tjera dushkore. Kjo,sipas drejtuesve të pushtetit vendor në Mirditë, e bën më imediate ndërhyrjen policore në hetimin e kësaj zjarrvënie të pazakontë që po ngjet në pyjet e Mirditës,zjarre që e kanë futur në një rreth flakësh të pamëshirshme zonën qendrore të saj.

A. Ndoja